nova-rebolaxe/letras/ven-bailar-carmiña.md

+++ title = "Ven bailar Carmiña" description = "" tags = [ "pasodoble", "rebolaxe", "carmiña", ] date = "14-09-2021" categories = [ "Letras", "pasodoble", ] menu = "main" +++

Ven bailar Carmiña

Os zapatos piden medias,
as medias piden zapatos,
as rapaciñas bonitas,
piden rapaciños guapos.

Ven bailar, Carmiña,
Carmiña, Carmela,
con zapato baixo
e media de seda,
e media de seda
e media calada,
ven bailar Carmiña,
miña namorada.

Namoreime dunha nena
porque ela cantaba ben
agora morro de fame
o cantar non me mantén.

Ven bailar...

Ó son da miña gaitiña
as nenas hei de levare,
e as tontiñas sonche elas
que se deixan enganare.

Ven bailar...

Aí che vai meu corazón,
se o queres matar ben podes,
pero como ti vas dentro
tamén se o matas morres.

Ven bailar...