+++
title = "Se chove"
description = ""
tags = [
    "rebolaxe",
]
date = "15-09-2021"
categories = [
    "Letras",
]
menu = "main"
+++

# Se chove
Ei vén o vento do mare  
ei vén o vento mareiro  
Ei vén o meu queridiño  
vestido de mariñeiro (bis)  
  
*Se chove, deixa chovere  
se orballa, deixa orballare  
por máis que chova e vente  
de ti non me hei de apartare. (bis)*  
  
Pasei pola ponte abaixo,  
vin saltar unha sardiña  
Mariñeiro, síguea ao mare  
e botádelle a traíña. (bis)  
  
*Se chove…*  
  
Indo polo mar abaixo  
perdín a miña navalla  
Rema, mariñeiro, rema  
que alá no mar me quedaba (bis)  
  
*Se chove…*  
  
O que navega de noite  
atropeza nos penedos  
E eu que ando polo día  
tropezo nos teus enredos. (bis)